Të nderuar Investitorë, Në kuadër të Ligjit nr. 4/2020 datë 30.01.2020 për “Shkëmbimin Automatik të Informacionit të Llogarive Financiare”, Credins Invest është e angazhuar në përmbushjen e dispozitave të ligjit dhe ka detyrimin e raportimit të të dhënave të kërkuara për çdo klient, qoftë individ, person fizik apo shoqëri. Credins Invest, ashtu si bankat e nivelit të dytë dhe institucionet
...
Të nderuar klientë të Credins Invest, Bazuar në situatën e krijuar në vend e më gjerë si pasojë e Coronavirus-it, shoqëria Credins Invest ka përgatitur disa udhëzime për klientët dhe punonjësit e saj. Referuar rekomandimeve të Organizatës Botërore të Shëndetësisë, për të parandaluar përhapjen e këtij virusi, ne kemi krijuar kushtet e nevojshme për sigurinë e punonjësve tanë dhe vazhdimësinë
...
Të nderuar Investitorë,
Në kuadër të Ligjit nr. 4/2020 datë 30.01.2020 për “Shkëmbimin Automatik të Informacionit të Llogarive Financiare”, Credins Invest është e angazhuar në përmbushjen e dispozitave të ligjit dhe ka detyrimin e raportimit të të dhënave të kërkuara për çdo klient, qoftë individ, person fizik apo shoqëri. Credins Invest, ashtu si bankat e nivelit të dytë dhe institucionet financiare në Republikën e Shqipërisë, duhet të identifikojë rezidencën tatimore, numrin identifikues dhe informacione të tjera të klientëve për qëllime tatimore dhe ti raportojë pranë autoriteteve tatimore të Republikës së Shqipërisë. Ju duhet të paraqiteni fizikisht pranë zyrave Credins Invest sh.a., ose degëve të Bankës Credins, për të plotësuar Formularin e Vetëdeklarimit me të dhënat tuaja personale tatimore.
Faleminderit,
Datë: 12/06/2020
Të nderuar klientë të Credins Invest,
Bazuar në situatën e krijuar në vend e më gjerë si pasojë e Coronavirus-it, shoqëria Credins Invest ka përgatitur disa udhëzime për klientët dhe punonjësit e saj. Referuar rekomandimeve të Organizatës Botërore të Shëndetësisë, për të parandaluar përhapjen e këtij virusi, ne kemi krijuar kushtet e nevojshme për sigurinë e punonjësve tanë dhe vazhdimësinë normale të punës lidhur me kërkesat dhe nevojat e klientëve. Në këtë situatë të vështirë, kërkojmë mirëkuptim dhe bashkëpunim të klientëve tanë për ti zbatuar udhëzimet e mëposhtme.
Shëndeti i punonjësve tanë, siguria e tyre në punë dhe shërbimi maksimal ndaj klientëve vijnë të parat!
Udhëzues për Klientët e Credins Invest
- Higjena për klientët dhe punonjësit: Credins Invest ka vendosur dezifektantë në hyrje të zyrave për klientët që paraqiten dhe në çdo tavolinë pune.
- Përdorni shërbimin online – Për të monitoruar llogarinë tuaj dhe ecurinë e Fondit të Pensionit/Fondit të Investimit, përdorini shërbimin online duke hyrë me kredencialet tuaja. Ju ofrojmë transparencë dhe akses 24/7.
- Ndiqni faqen zyrtare për të rejat e fundit – Në faqen tonë credinsinvest.com mund të gjeni njoftimet e fundit lidhur me produktet Credins Pension dhe Credins Premium, performancën e fondeve, raportet e muajit të fundit dhe normat aktuale.
- Shmangni kontaktin fizik: Për të mbrojtur njëri-tjetrin, kërkojmë mirëkuptimin tuaj maksimal që për çdo shërbim që do të kërkoni, fillimisht të na kontaktoni në numrin: +355696060058 ose në adresën e e-mail: contact@credinsinvest.com. Do t’ju përgjigjemi në kohë dhe për çdo kërkesë.
- Respektoni radhën në zyrat tona: Nëse e keni të domosdoshme të merrni shërbimin pranë zyrave tona, mundohuni të prisni radhën jashtë ambjenteve të zyrave për të mbrojtur njëri-tjetrin.
- Ruani distancën: Respektoni distancat e sigurisë me klientët e tjerë dhe punonjësit e Credins Invest. Në të mirën e përbashkët, mos shtrëngoni duart e mos u përqafoni me klientë të tjerë apo punonjës të shoqërisë.
Udhëzues për Punonjësit e Credins Invest
- Rregullore për punonjësit: Credins Invest ka përgatitur udhëzues për punonjësit, për organizimin e mbarëvajtjen e punës në mënyrë që t’i përgjigjemi klientit në çdo kohë, si në ambjentet e zyrave ashtu edhe online.
- Shmangia e udhëtimeve: Punonjësit janë orientuar të mos udhëtojnë në këtë periudhë, por në rast udhëtimi duhet të njoftojnë shoqërinë në mënyrë që të merren masat për izolimin e tyre për 14 ditë.
- Puna nga shtëpia: Për të mbrojtur punonjësit dhe shmangur kontaktin fizik me shumë persona, një pjesë e stafit është orientuar për të punuar online nga shtëpia. Puna online nuk do të cënojë përgjigjen në kohë tek klientët tanë.
- Respektimi i distancës: Në bazë të udhëzimeve për distancën e lejuar, janë krijuar kushtet që punonjësit të kenë një distancë 1.5 m me njëri tjetrin dhe klientët.
Credins Invest sh.a ndjek në mënyrë rigoroze të gjitha udhëzimet dhe vendimet e Autoriteteve kompetente.
Për çdo pyetje apo informacion shtesë që ju nevojitet, ju lutemi të kontaktoni në adresën e postës elektronike contact@credinsinvest.com.
